Azərbaycan çempionu Ukrayna klubu ilə müqaviləni yenilədi | |
Azərbaycan millisinin sabiq voleybolçusu Vasif Talıbov karyerasını Ukraynada davam etdirəcək. 45 yaşlı mütəxəssis “Vinnitsa” klubu ilə sözləşməsini yeniləyib. Talıbov 1 illik müqaviləyə imza atıb. Həmyerlimiz ötən ildən bu komandanın baş məşqçisidi. Kişi voleybolçulardan ibarət “Vinnitsa” onun rəhbərliyi altında Yüksək Liqanın 2017/2018 mövsümündə 5-ci yeri tutub. Qeyd edək ki, Talıbov Ukraynaya “Telekom”dan yollanmışdı. O, 2013-cü ildən çalışdığı Bakı klubu ilə Azərbaycan çempionu tituluna da yiyələnib. |
|
Xəbər 967 dəfə oxundu. |
|
|