BMX üzrə dünya çempionatının fotomüxbirləri üçün seminar keçirilib
Bakıda velosiped idmanının BMX növü üzrə dünya çempionatı çərçivəsində iyunun 8-də elit kateqoriyasında yarışlardan əvvəl Veloparkda fotomüxbirlər üçün seminar keçirilib.

Seminara Beynəlxalq Velosipedçilər İttifaqının (UCI) mətbuat xidmətinin rəhbəri Luis Şenel başçılıq edib.

Toplantıda, həmçinin dünya çempionatının texniki nümayəndəsi, “Bakı-2018”in və Azərbaycan Velosiped İdmanı Federasiyasının mətbuat xidmətinin əməkdaşları, BMX yarışlarının peşəkar fotoqrafları və UCI-nin nümayəndələri iştirak ediblər.

Seminarda BMX stadionunda fotomüxbir zonaları, trek ərazisində və ətrafında fotoçəkiliş, təhlükəsizlik qaydaları haqqında ətraflı məlumat verilib.

Sonda dünya çempionatının işıqlandırılmasında iştirak edən fotomüxbirlərin sualları cavablandırılıb.

Xəbər 1236 dəfə oxundu.