Paralimpiyaçılarımız pauerliftinq üzrə Avropa çempionatında daha iki medal qazanıblar
Fransanın Berk-sur-Mer şəhərində keçirilən paralimpiyaçı idmançılar arasında pauerliftinq üzrə Avropa çempionatı davam edir.

Azərbaycan Milli Paralimpiya Komitəsinin pauerliftinq üzrə milli komandasının daha iki üzvü yarışda medal qazanıb. Yığmamızın üzvlərindən Elşən Hüseynov 230 kiloqram nəticə ilə Avropa çempionu olub. Nurlan Babacanov 197 kiloqram nəticə ilə bürünc medala layiq görülüb.

Çempionatın birinci günündə idmançılarımızdan Pərvin Məmmədov 143 kiloqram nəticə ilə qızıl medala yiyələnib. Aytən Bağırova isə 52 kiloqram nəticə ilə bürünc medal qazanıb.

Beləliklə, paralimpiyaçılarımız qitə çempionatında ikisi qızıl və ikisi bürünc olmaqla dörd medala sahib olublar.

Xəbər 1504 dəfə oxundu.