Valentin Xristov: «Avropa çempionu adını qazanmaq çox gözəl hissdir» - MÜSAHİBƏ | |
Azərbaycan yığmasının üzvü Valentin Xristov (56 kq) Ağır Atletika Federasiyasının rəsmi saytına müsahibə verib. İdman.com.az-ın xəbərinə görə, həmkarımızla söhbətdə, Avropa çempionu qazandığı son uğurdan danışıb. - Avropa çempionu oldunuz. Təəssüratların necədir? - Hər şey çox gözəldir. Avropa çempionu adını qazanmaq çox gözəl hissdir. Buna nail olduğuma görə çox şadam. Qələbə üçün möhkəm çalışmış, yarışa ciddi hazırlaşmışdım. Əməyimin bəhrəsini gördüm. - Qızıl medalları qazanmaqla yanaşı, həm də gənclər arasında 3 Avropa rekordunu yenilədiniz... - Bu rekordları vacib saymıram. Hədəfim gənclər yox, böyüklər arasında dünya və Avropa rekordlarını yeniləməkdir. Hələ gəncəm. Yetərincə gücüm və zamanım var. Çalışıb, bunu da edəcəyəm. - Çempionluğunda kimə borclusuz? - Biz bir ailəyik. Azərbaycan Ağır Atletika Federasiyasında mənə olan münasibətdən çox razıyam. - Azərbaycan xalqına demək istədiyin bir söz varmı? - Çox sağ olsunlar. Azərbaycan xalqına dərin minnətdarlığımı bildirir, onlara təşəkkür edirəm. |
|
Xəbər 1217 dəfə oxundu. |
|
|