UEFA Çempionlar Liqasının dördəbir final mərhələsinin püşkü atılıb

Martın 16-da UEFA Çempionlar Liqasının dördəbir final mərhələsinin püşkü atılıb. UEFA-nın İsveçrənin Nyon şəhərindəki mənzil-qərargahında keçirilən püşkatma mərasimində rəqiblər müəyyənləşib. Püşkatmada üç ispan, iki ingilis, iki italyan və bir alman klubu vəsiqə qazanıblar. Püşkü Çempionlar Liqasının final matçının səfiri Andrey Şevçenko çəkib. Püşkatmanın nəticələri aşağıdakı kimidir: “Barselona” (İspaniya) - “Roma” (İtaliya) “Sevilya” (İspaniya) - “Bavariya” (Almaniya) “Yuventus” (İtaliya) - “Real” (İspaniya) “Liverpul” (İngiltərə) - “Mançester Siti” (İngiltərə) İlk oyunlar aprelin 3-4, cavab qarşılaşmaları isə aprelin 10-11 olacaq. İlk qarşılaşmalar adları birinci göstərilən komandaların meydanlarında keçiriləcək. Çempionlar Liqasının yarımfinal mərhələsinin püşkü aprelin 13-cü İsveçrənin Nyon şəhərində keçiriləcək.

Xəbər 1252 dəfə oxundu.