| Atçılığın konkur növü üzrə “Polad Kuboku” turniri keçiriləcək | |
|
Martın 23-24-də Binə Atçılıq Mərkəzinin açıq manejində atçılığın konkur növü üzrə “Polad Kuboku” turniri keçiriləcək. Turnirin ilk günündə “E” və “M*”, ikinci günündə isə “S*” kateqoriyaları üzrə yarışlar təşkil olunacaq. “E” kateqoriyası üzrə maneələrin hündürlüyü 80-85 santimetr olan yarışda 20 yaşadək olan yeniyetmə idmançıların iştirakına icazə veriləcək. Günün ikinci yarışı olan “M*” kateqoriyası isə hər yaş qrupundan olan idmançılar üçün açıq olacaq. Bu yarışda ən hündür maneə 125 santimetr nəzərdə tutulub. Qeyd edək ki, turnirin ümumi mükafat fondu 5 min manat təşkil edir. |
|
|
Xəbər 1486 dəfə oxundu. |
|
|
|