Neft, qaz və kimya sənayesi işçiləri arasında futtennis turniri keçirilib

“Neftçi İdman Klubu” neft, qaz və kimya sənayesi işçiləri arasında futtennis turniri keçirib. Yarışda Heydər Əliyev adına Neft Emalı Zavodu, “Bos Şelf” MMC, “Qaz İxrac” İdarəsi, Ekologiya İdarəsi, “28 May” NQÇİ və Nəqliyyat İdarəsinin komandaları mübarizə aparıblar. Üç gün davam edən turnir dairəvi sistem üzrə keçirilib. Keçirdiyi beş qaşılaşmanın dördünü qələbə ilə başa vuran və yalnız bir oyundan məğlub ayrılan Heydər Əliyev adına Neft Emalı Zavodunun komandası 12 xalla turnirin qalibi adını qazanıb. “Qaz İxrac” İdarəsi ikinci, “Bos Şelf” MMC-nin komandası isə üçüncü yeri tutublar. Qalib və mükafatçılara “Neftçi İdman Klubu” tərəfindən diplom və xatirə hədiyyələri təqdim olunub.

Xəbər 457 dəfə oxundu.