Güləş üzrə Azərbaycan yığmaları qarşıdan gələn beynəlxalq turnirlərə hazırlığı davam etdirirlər | |
Güləş üzrə ölkə yığma komandaları qarşıdan gələn beynəlxalq turnirlərə və Avropa çempionatına hazırlığı davam etdirirlər. Olimpiya Güləş Mərkəzində məşqləri davam etdirən böyüklərdən ibarət yunan-Roma və sərbəst güləş üzrə yığma komandaların toplanışı fevralın 20-dək davam edəcək. Sərbəst güləşçilərimizlə birgə təlim-məşq toplanışında Türkmənistan yığma komandasının üzvləri də iştirak edirlər. Qadın güləşçilərin isə məşqləri Kiyevdəki Konça Zaspa təlim-məşq bazasında təşkil olunub. Ukraynaya yollanan qadın güləşçilərimiz fevralın 22-dək bu ölkənin yığma komandası ilə birgə hazırlığı davam etdirəcəklər. Sərbəst, yunan-Roma və qadın güləşi üzrə yığma komandaların üzvləri təlim-məşq toplanışı başa çatdıqdan sonra fevralın 23-25-də Kiyevdə bu ölkənin görkəmli məşqçi və idmançılarının xatirəsinə həsr olunan 22-ci beynəlxalq turnirdə qüvvələrini sınayacaqlar. |
|
Xəbər 982 dəfə oxundu. |
|
|