“Sumqayıt” futbol klubu Antalyada dörd yoxlama oyunu keçirəcək | |
“Sumqayıt” futbol klubu yanvarın 5-dən etibarən Premyer Liqanın ikinci yarısı üçün hazırlıqlara start verib. Komanda baş məşqçi Samir Abasovun rəhbərliyi altında hazırlığın ilk hissəsini yanvarın 19-dək Sumqayıtda keçəcək. Bu müddət ərzində “Sumqayıt” iki yoxlama oyununda qüvvəsini sınayacaq. Komanda yanvarın 15-də “Qaradağ Lökbatan”, üç gün sonra isə “Səbail” ilə “Kapital Bank Arena"da üz-üzə gələcək. “Sumqayıt” hazırlığın ikinci mərhələsini isə yanvarın 21-dən fevralın 4-dək Türkiyədə davam etdirəcək. Təlim-məşq toplanışını Antalyanın Side bölgəsində keçirəcək “Sumqayıt” qonşu ölkədə dörd yoxlama oyununda qüvvəsini sınayacaq. Samir Abasovun rəhbərlik etdiyi komanda yanvarın 25-də Polşanın “Poqon”, üç gün sonra Makedoniyanın “Akademiya Pandev”, yanvarın 31-də Rusiyanın “Anji”, fevralın 3-də isə Serbiyanın “Mladost” klubları ilə qarşılaşacaq. |
|
Xəbər 603 dəfə oxundu. |
|
|