Futzal üzrə milli komandaların yeni reytinq siyahısı açıqlanıb.İranda keçirilən “4 Top Nations” turnirinin ilk iki turu Azərbaycan yığmasının xal hesabına təsir edib. Belə ki, İranla heç-heçə edən (3:3) və Rusiyaya (3:4) uduzan komandamız iki oyunun nəticəsinə görə, hesabına 10 xal yazdırıb. Bu turnirədək əmsalı 1445-ə bərabər olan komandamız hazırda 1455 xala malikdir. Millimiz hesabındakı xalların sayını artırsa da, mövqeyi dəyişməyib. Yığmamız reytinq cədvəlində 10-cu pillədə qərarlaşıb.
Reytinq cədvəlinə 1931 xalla Braziliya millisi başçılıq edir. İspaniya 1878 xalla ikinci, Rusiya isə 1752 xalla üçüncü pillədə yer alıb.
Xəbər 775 dəfə oxundu.