Soçidə keçiriləcək dünya çempionatında Azərbaycanı doqquz samboçu təmsil edəcək

Noyabrın 9-13-də Soçidə sambo üzrə dünya çempionatı keçiriləcək. Azərbaycan Sambo Federasiyasından bildiriblər ki, mundialda ölkəmizi 9 idmançı təmsil edəcək. Çempionatda Azərbaycanın idman şərəfini Ağasif Səmədov (52 kq), Fuad Məmmədov (57 kq), Cavidan Qarayev (62 kq), Emil Həsənov (68 kq), Samir Kərimov (74 kq), Ceyhun Hüseynov (82 kq), Murad Rəcəbli (90 kq), Nizami Məmmədov (100 kq) qoruyacaqlar. Döyüş sambosu yarışlarında isə Məhəmməd Şahpələngli (68 kq) xalça üzərinə çıxacaq. Dünya çempionatında ölkəmizi hakim qismində Cabir İsmayılov təmsil edəcək. Millimiz Soçidə ASF-nin prezidenti Ceyhun Məmmədovun rəhbərliyi altında mübarizə aparacaq.

Xəbər 1168 dəfə oxundu.