Azərbaycan şahmatçıları Avropa komanda çempionatında çıxış edəcəklər

Oktyabrın 27-dən noyabrın 7-dək Yunanıstanın Krit adasında kişilərdən və qadınlardan ibarət şahmat komandaları arasında Avropa çempionatı keçiriləcək. Kişi şahmatçıların turnirində 40 komanda, qadınların turnirində isə 32 yığma qeydiyyata alınıb. Avropa çempionatı İsveçrə sistemi üzrə 9 turda keçiriləcək. Komandaların tərkibində 4 əsas, bir ehtiyat oyunçu var. Kişi şahmatçıların yığmasında Azərbaycanı Şəhriyar Məmmədyarov, Teymur Rəcəbov, Arkadi Naydiç, Rauf Məmmədov və Qədir Hüseynov təmsil edəcəklər. Onların əsas rəqibləri Rusiya, Ukrayna, İngiltərə, İsrail, Macarıstan və Polşa komandaları olacaq. Qadın şahmatçılarının yığmasında Gülnar Məmmədova, Ülviyyə Fətəliyeva, Zeynəb Məmmədyarova, Günay Məmmədzadə və Xanım Balacayeva çıxış edəcəklər. Onlar Rusiya, Ukrayna, Gürcüstan və Polşa komandaları ilə qarşılaşacaqlar.

Xəbər 549 dəfə oxundu.