Veteran güləşçilərimiz dünya çempionatında 1 qızıl və 1 gümüş medal qazanıblar

Bolqarıstanın Plovdiv şəhərində veteran güləşçilərin dünya çempionatı keçirilib. Azərbaycan Güləş Federasiyasından verilən xəbərə görə, pəhləvanlarımız çempionatı 1 qızıl və 1 gümüş medalla başa vurublar. Sərbəst güləş yarışlarında “B” divizionunda mübarizə aparan Mayis İbadov (70 kq) ardıcıl olaraq Almaniya, Moldova və Bolqarıstan təmsilçilərinə qalib gələrək finala yüksəlib. Həlledici görüşdə İran idmançısına da qalib gələn Mayis İbadov veteranlar arasında dünya çempionu olub. Yunan-Roma güləşi yarışlarında “D” divizionunda mübarizə aparan Rövşən İsmayılxanlı (130 kq) isə çempionatı ikinci sırada tamamlayıb. Həlledici görüşdə Polşa idmançısına məğlub olan təmsilçimiz mundialın gümüş medalına yiyələnib. Görüşlərin idarə edilməsində ölkəmizi beynəlxalq dərəcəli hakim Natiq Hacıyev təmsil edib.

Xəbər 1024 dəfə oxundu.