Ukraynalı atıcı: Bakıda keçirilən yarışlardan xüsusi zövq aldım
Bakıda keçirilən atıcılıq üzrə dünya çempionatının qalibləri arasında Ukrayna təmsilçisi İqor Kizima da var. O, 50 metr məsafədən qaçan hədəfə yeniyetmələr (kişi) arasında fərdi yarışın qızıl medalçısıdır.

Yarışla bağlı təəssüratlarını bölüşən idmançı atıcılıq üzrə bir çox yarışlarda iştirak etdiyini, Bakıda keçirilən yarışlardan isə xüsusi zövq aldığını vurğulayıb.

“Bakının həm qədim memarlıq abidələri, həm də yeni tikililəri çox xoşuma gəldi. Şəhərdəki ticarət mərkəzləri də çox gözəldir. Dənizkənarı parkda gəzmək olduqca maraqlıdır”, - deyən İqor Kizima yarışların yüksək səviyyədə keçirildiyini, idmançılar üçün hər cür şəraitin yaradıldığını qeyd edib.

AZƏRTAC

Xəbər 1652 dəfə oxundu.