Atıcılıq üzrə Avropa çempionu: Bakıdan xoş təəssüratlarla ayrılacağam

Azərbaycanda bütün yarışlar yüksək səviyyəli təşkilatçılığı ilə seçilib. Çox sevinirəm ki, Bakıda qələbə qazandım. Bu qələbəmi dostlarıma həsr edirəm. Bu sözləri Bakıda keçirilən atıcılıq üzrə Avropa çempionatının qalibi, almaniyalı Monika Karç müsahibəsində deyib. Bakıya ilk dəfə səfər etdiyini bildirən M.Karç yüksək səviyyədə təşkil olunan çempionatın gərgin idman mübarizəsi şəraitində keçdiyini diqqətə çatdıraraq deyib: “Rəqiblərim çox güclü idi. Titullu idmançılara qarşı mübarizə apardım və sonda sevinən tərəf mən oldum. Bakıdan xoş təəssüratlarla ayrılacağam. Bakıya yenidən qayıtmağı düşünürəm. Çünki burada istirahət etmək üçün gözəl şərait var”. AZƏRTAC

Xəbər 1610 dəfə oxundu.