| Azərbaycan idmançısı Avropa Olimpiya Festivalının gümüş medalını qazanıb | |
|
Macarıstanın Dyop şəhərində yeniyetmələrin Avropa Olimpiya Festivalı start götürüb. Festivalın proqramına daxil olan cüdo yarışlarında ölkəmizin yığma komandası da iştirak edir. Festivalda Azərbaycan komandasının tərkibində ilk uğur qazananlardan biri “Judo Club-2012” idman klubunun yetirməsi Vüsalə Kərimova olub. Yarışların birinci günündə o, 40 kiloqram çəki dərəcəsində mübarizədə Fransa və Rusiya cüdoçularına qalib gəlib. O, həlledici görüşdə Belçika idmançısı Jente Verstraytenə məğlub olaraq Avropa Olimpiya Festivalının gümüş medalına layiq görülüb. Digər yeniyetmə cüdoçularımız mübarizəni davam etdirirlər. |
|
|
Xəbər 1247 dəfə oxundu. |
|
|
|