«Bu oyuna böyük motivasiya ilə çıxmışdıq. «İnter»in prezidenti Georgi Nikolova təşəkkür edirəm. Onun ölkə mətbuatında əleyhimizə kinayəli çıxışı, bizə ikiqat güc verdi və nəticədə biz qalib gəldik». Bunu idman.com.az saytına «Neftçi» klubunun kapitanı Rail Məlikov dedi. Təcrübəli müdafiəçi «bankçılar»ın başçısının ««Neftçi» bizim abunəçimizdir, hər oyun bizə 3 xal verir» açıqlamasına özəl münasibət bildirdi: “Nikolov, bura Bakıdır, Bolqarıstan deyil. Orada istədiyini danışa bilərsən. Amma Bakıda hər sözünə diqqət yetirməlisən. Biz burada abunəçi yox, daimiyik».
Qeyd edək ki, «Neftçi» komandası Unibank Premyer Liqasının XXIV turu çərçivəsində bu gün səfərdə «İnter»i 2:1 hesabı ilə məğlub etdi.
KAMRAN
Xəbər 1098 dəfə oxundu.