Bu gün qadın voleybolçulardan ibarət “Lokomotiv” klubu Çellenc kubokunda növbəti görüşə çıxacaq. İdman.com.az saytının məlumatına görə, “dəmiryolçular” yarımfinal mərhələsinin əvəz matçında Belçikanın “Gent” klubunu qəbul edəcəklər.Oyunun aşkar favoriti “Lokomotiv”dir. Səfərdə 3:0 hesabı ilə qələbə qazanan Draqutin Baltiçin komandası Belçikada qazandığı uğuru Bakıda əldən verəcəyi inandırıcı görünmür. Üstəlik, ötən il həmin yarışın finalçısı olmuş “dəmiryolçular”ın bu mübarizədə xeyli təcrübəsi var. Bu gün rəqib bizi udmaqla sensasiya edərsə, onda qalibi “qızıl set” müəyyənləşdirəcək.
Çellenc kuboku. 1/2 final. Cavab matçı
18 mart
17:30. “Lokomotiv” (Azərbaycan) - “Gent” (Belçika)
Hakimlər: Sinisa İsayloviç (Avstriya), Monika Ujnazi (Macaristan)
İlk oyun: “Gent” (Belçika) – “Lokomotiv” (Azərbaycan) - 0:3 (25:27, 24:26, 21:25)
Xəbər 956 dəfə oxundu.