Kosta-rikalı futbolçu Rendall Brenes “Xəzər Lənkəran”da qol hesabını açıb. İdman.com.az-ın klubun rəsmi saytına istinadən məlumatına görə, yeni komandasında ilk qolunu Azərbaycan kubokunun 1/4 final mərhələsinin “İnter”lə ilk oyununda vuran hücumçu klub tarixində 71-ci qolçu olub. Bu matçadək 70 futbolçu fərqlənmişdi ki, onların 44-ü milliləşənlər də daxil olmaqla legioner, 26-sı isə yerli futbolçu idi. Rendall bu siyahıya 45-ci əcnəbi və 2-ci kosta-rikalı kimi düşüb.Həm Rendall, həm də Elnur Abdullayev ilk dəfə ölkə kubokunda “Xəzər Lənkəran” üçün qol sevinci yaşadı. Bu matçadək 39 oyunçu kubok matçlarında bunu bacarmışdı. Bu siyahıya Elnur 40-cı, Rendall isə 41-ci kimi düşdü. 41 oyunçudan isə 17-si yerli, 24-ü əcnəbidir.
Rendalldan başqa, həmçinin Kamal Bayramov, Rikardo Qomeş, Roberto Alviz, Stevan Bates də ilk dəfə Azərbaycan kuboku matçına “Xəzər Lənkəran” formasında çıxdılar. Bununla da kubokda klub formasını geyənlərin ümumi sayı 121-ə çatıb.
Xəbər 876 dəfə oxundu.