Gənc bahadırlarımız ölkənin ən gücülülərini seçəcəklər | |
15-19 martda Hövsan Olimpiya-İdman Kompleksində gənc sərbəst və yunan-Roma güləşçiləri arasında Azərbaycan birinciliyi və yeniyetmə qızların açıq ölkə birinciliyi keçiriləcək. FİLA-nın qaydaları üzrə təşkil olunacaq gənclərin yarışında 1992-1994-cü il, qızların yarışında 1995-1996-1997-ci il təvəllüdlü güləşçilər iştirak edəcəklər. Gənclər və İdman Nazirliyi və Azərbaycan Güləş Federasiyasının birgə təşkilatçılığı ilə keçirilən və şəxsi xarakter daşıyan yarışlarda idman cəmiyyətləri, idman klubları, idman təşkilatları, şəhər və rayon yığma komandalarının tərkibinə daxil olan idmançılar mübarizə aparacaq. Yarışlarda çəki dərəcələri üzrə ilk 3 yeri tutmuş idmançılar AGF tərəfindən müvafiq diplom, medal və pul mükafatı ilə təltif olunacaq. Yeniyetmə qızların açıq ölkə birinciliyində Azərbaycan güləşçiləri ilə yanaşı, Türkiyə, Qazaxstan, Ukraynda və Belarus komandalarının da iştirakı gözlənilir. İlkin və təsəlliverici görüşlər hər gün saat 10.00-da, final görüşləri isə 17.00-da başlayacaq. Yarışın təntənəli açılış mərasimi martın 15-də saat 17.00-da keçiriləcək. Proqram: 15 mart 50, 60, 74 və 96 kq – sərbəst güləş üzrə gənclər 16 mart 55, 66, 84 və 120 kq – sərbəst güləş üzrə gənclər 17 mart 50, 60, 74 və 96 kq – yunan-Roma güləşi üzrə gənclər 18 mart 55, 66, 84 və 120 kq – yunan-Roma güləşi üzrə gənclər 19 mart 34, 38, 40, 43, 46, 49, 52, 56, 60, 65 və 70 kq – yeniyetmə qız güləşçilər |
|
Xəbər 1455 dəfə oxundu. |
|
|