| Abşeronlu basketbolçular IV İslam Həmrəyliyi Oyunlarının təbliğinə həsr edilmiş yarışın qalibi olub | |
|
Xaçmazda IV İslam Həmrəyliyi Oyunlarının məktəblilər arasında təbliğinə həsr olunmuş 3x3 basketbolu üzrə yarışların qalibləri müəyyənləşib. Aprelin 11-də Xaçmaz Olimpiya İdman Kompleksində keçirilən birincilikdə 12-14 yaşlı oğlanlar medallar uğrunda mübarizə aparıb. Turnirə Quba, Qusar, Xaçmaz, Şabran, Siyəzən, Xızı, Sumqayıt, Abşeron, Qubadlı və Qobustanı təmsil edən 10 komanda qatılıb. Təhsil nazirinin müvafiq əmrinə əsasən keçirilən yarışların əsas məqsədi IV İslam Həmrəyliyi Oyunlarının proqramına daxil olan idman növlərini məktəblilər arasında təbliğ etmək, onların idmana marağını artırmaq, məktəbliləri sağlam həyat tərzinə cəlb etməkdir. Gərgin idman mübarizəsi şəraitində keçən yarışların final oyununda Abşeron və Xaçmaz basketbolçuları üz-üzə gəlib. Abşeronlu idmançılar həlledici görüşdə qalib gələrək qızıl medalları qazanıb. Xaçmaz komandası ikinci, Sumqayıt basketbolçuları isə üçüncü yerə layiq görülüb. Basketbol üzrə növbəti zona yarışı aprelin 17-18-də İsmayıllıda keçiriləcək. |
|
|
Xəbər 580 dəfə oxundu. |
|
|
|