Ənənəvi turnir başlayır: Çempion rəqiblərini tanıdı, 1/4 finalçılar eyni qrupa düşdü

Aprelin 4-də “AtaBank” ASC-nin dəstəyi ilə “AtaHolding” və “Synergy Group” Şirkətlər Qrupunun əməkdaşları arasında ümummilli lider Heydər Əliyevin xatirəsinə həsr olunan mini-futbol yarışının püşkatma mərasimi keçirilib. Bu barədə “AtaBank”dan verilən məlumatda bildirilir. “AtaBank” ASC-nin baş ofisində baş tutan tədbirdə Kommunikasiyalar və PR şöbəsinin rəisi Oruc İbrahimov turnirin əhəmiyyətindən danışaraq, yeniliklər barədə məlumat verib. Bildirib ki, ənənəvi yarışda bu dəfə ötən il olduğu kimi, 12 deyil, 16 komanda mübarizə aparacaq. O.İbrahimov reqlament dəyişikliklərini də iştirakçı klubların rəsmilərinə çatdırıb. Belə ki, 2016-cı il istisna olmaqla, əvvəlki illərdə baş tutan turnirlərdə olduğu kimi 16 komanda püşkün nəticəsinə əsasən 4 qrupa bölünüb. Qruplarda ilk 2-ci yeri tutacaq kollektivlər dörddəbir finala vəsiqə qazanacaqlar. Bu mərhələnin qalibləri yarımfinal, 3-cü yer və final mərhələsində iştirak edəcək. Komandalarda debütantlar “Konsaltinq”, “Qalaaltı Hotel”, “Fifty Fine”, “CDB”, “AtaSport2 və “Region” klublarıdı. Buna baxmayaraq, qrup matçlarının gərgin keçəcəyini əvvəlcədən də proqnozlaşdırmaq olar. Çünki ötənilki dörddəbir finalçılar “MXD” ilə “Gobustone”, həmçinin “No Name”lə “VTB Plus” bu dəfə bir-birinə ilk mərhələdə rəqib olublar. Son çempion “VTB Bank” isə C qrupunda gücünü yoxlayacaq. A qrupu "MXD" "Gobustone" "AtaSığorta" "Konsaltinq" B qrupu "No Name" "VTB Plus" "Qalaaltı Hotel" "Fifty Fine" C qrupu "VTB Bank" "AtaSport" "Cybernet" "First United" D qrupu "AtaTexnologiya" "Synergetic" "CDB" "Region" 1/4 final A1 – B2 B1 – A2 C1 – D2 D1 – C2 1/2 final A1/B2 cütünün qalibi - C1/D2 cütünün qalibi B1/A2 cütünün qalibi - D1/C2 cütünün qalibi Üçüncü yer uğrunda Yarımfinalların məğlubları FİNAL Yarımfinalların qalibləri Çempionata aprelin 8-də start veriləcək. AzFar stadionunda (Tennis akademiyası ilə üzbəüz) təşkil olunacaq yarış AFFA-nın hakimlər briqadası tərəfindən idarə ediləcək. Şənbə və bazar günləri keçiriləcək qrup mərhələsinin matçlarına 6 həftə sonra yekun vurulacaq. Yarışda çempiona 4000 manat, II yeri tutacaq komandaya 3000 manat, III pillənin sahibinə isə 2000 manat pul mükafatı veriləcək. Həmçinin turnirin ən yaxşıları da hədiyyəsiz qalmayacaqlar. Yarışın ən yaxşı oyunçusu - bombardiri və qapıçısı 500 manatla mükafatlandırılacaq. Qeyd edək ki, 1993-cü ildən fəaliyyət göstərən "AtaBank" ASC Azərbaycanın ən böyük kommersiya strukturlarından biridir. Bu gün "AtaBank" yüksək texnologiyalı universal bankdır. Bakıda və ölkənin müxtəlif regionlarında bankın 26 filial və şöbəsi fəaliyyət göstərir. Bank korporativ və fərdi müştərilərə tam xidmətlər spektrini təqdim edir.

Xəbər 598 dəfə oxundu.