AFFA-nın vitse-prezidentləri müəyyənləşdi | |
AFFA-nın vitse-prezidentləri müəyyənləşib. İdman.com.az saytının məlumatına görə, yenidən assosiasiya prezidenti seçilmiş Rövnəq Abdullayev müavinləri kimi, Rauf Əliyevlə Elşad Nəsirovu təsdiqlənib. İlk etimad göstərilən idman adamı I vitse-prezident, Nəsirov vitse-prezident oldu. Onların hər ikisi İcraiyyə Komitəsində yenidən üzv seçiliblər. AFFA-nın baş katibi Elxan Məmmədov isə 2007-ci ilin iyulundan yer aldığı postunda fəaliyyətini davam etdirəcək. İşi yüksək qiymətləndirilən Məmmədov, prezident tərəfindən yenidən etimad qazanıb. Qeyd edək ki, Əliyevlə Nəsirov 2003-cü ilin dekabrın sonunda Ramiz Mirzəyev AFFA-nın prezidenti seçilən vaxtdan vitse-prezidentdirlər. Onlar Abdullayev 2008-ci ilin martın 14-də AFFA-nın prezident seçiləndə vəzifələrində qalmışdılar. Nəsirov Mirzəyev 2007-ci ilin oktyabrın sonunda vəfat edəndən sonra növbədənkənar seçkilərə qədər prezident səlahiyyətlərini icra etmişdi. |
|
Xəbər 919 dəfə oxundu. |
|
|