Bakı 2017 Oyunları “Grassroot Proqramı” çərçivəsində keçirilən

“Feel Closer” yekun tədbiri ADA universitetində gerçəkləşdi Baku 2017 IV İslam Həmrəyliyi Oyunları “Grassroots Programı” çərçivəsində həyata keçirilən “Feel Closer” layihəsinə 24 fevral tarixində yekun vuruldu. 20 Fevral tarixindən start götürən və 24 fevral tarixində bitən layihə İslam Oyunlarının idmançı səfirlərini Azərbaycan Dillər Universiteti, Azərbaycan Dövlət Neft və Sənaye Universiteti, Bakı Dövlət Universiteti, Azərbaycan Dövlət İqtisad Universiteti və ADA Universitetinin tələbələri ilə görüşdürdü. Layihənin əsas məqsədi ictimaiyyətə “Grassroots Programı” haqqında məlumatın verilməsi, proqramın mahiyyətinin açıqlanması və idmançı səfirlərin tələbələrlə görüşünün təşkil edilməsi idi. Görüşlər zamanı İdmançı Səfirlər tələbələrə öz uğur hekayələrini danışıb, onlarla maraqlı fikir mübadiləsi aparıb, müxtəlif suallara cavab veriblər. İdmançı səfirlər bu səpkili görüşlərin önəmindən söz açıb, onların tez-tez təşkil olacağını diqqətə çatdırıblar. Son görüşün təşkil olunduğu ADA Universitetinin prorektoru Fariz İsmailzadə bu layihə haqqında öz fikrlərini bildirərək qeyd etdi ki, ADA Universitetinin tələbələri və müəllimləri qarşıdan gələn 4-cü İslam Həmrəyliyi Oyunlarını səbirsizliklə gözləyirlər. Fariz İsmailzadə: “Müxtəlif dinlərə, millətlərə hər zaman böyük hörmət və diqqətlə yanaşan Azərbaycan multikultural dəyərləri ilə dünyanın bir çox ölkələrinə nümunədir. Ölkəmizdə 2015-ci ildə keçirilən ilk Avropa oyunları və bu il baş tutacaq IV İslam Həmrəyliyi oyunları bunun bariz numunəsidir.” Sonda Fariz İsmailzadə idmançı səfirlərə ADA universitetini seçdikləri və tələbələr ilə maraqlı fikir mübadiləsi apardıqları üçün onlara təşəkkür edib. Futbolçu Səfir Ruslan Abışov isə görüşlə bağlı təəssuratlarını bölüşərkən bunları qeyd etdi: “Feel closer layihəsi yenilik idi və bu görüşlər bizim üçün istər səfir, istərsə də idmançı olaraq çox əhəmiyyətlidir. Əminəm ki, uğur qazanmağı bacaran hər bir insan, onun sirlərini də bölüşməkdən çəkinməməlidir.” “Çempionluq necə bir hissdir?” sualına taekvondo üzrə çempion Fəridə Əzizova belə cavab verdi: “Azərbaycan bayrağını daim zirvələrdə görmək hər birimiz üçün qürurvericidir. Azərbaycan bayrağının müxtəlif ölkələrdə yüksəlməsinə səbəbkar olan idmançı olmaq isə nəinki qürurverici, eyni zamanda böyük şərəfdir. O anları sözlə ifadə etmək mümkün deyil. O anları yalnız yaşamaq lazımdır. Mən arzu edirəm ki, bayrağımız daim zirvələrdə dalğalansın.” -SON- Redaktorlara qeydlər: IV İslam Həmrəyliyi Oyunları üçün media akkreditasiyasına müraciət üçün aşağıdakı linkə daxil olun: https://www.baku2017.com/az/p/media-akkreditasiyasi Bakı 2017 İslam Həmrəyliyi Oyunları 2017-cu il may ayının 12- 22 tarixlərində Bakı, Azərbaycanda keçiriləcək İslam dünyasını birləşdirən maraqlı, multi-idman tədbiridir. Müsəlman ölkələrindən gələn idmançılar yarışın 10 günü ərzində öz ölkələrini 20 müxtəlif idman növləri üzrə 24 kateqoriyada (Atletika və Para Atletika, Su İdmanı Növləri - Suya tullanma, Su idman növləri — Üzgüçülük, Su İdmanı Növləri -Vaterpolo, 3x3 Basketbol, Futbol, İdman gimnastikası, Bədii gimnastika, Uşu, Stolüstü Tennis, Həndbol, Cudo və görmə qabiliyyəti olmayanlar üçün cudo, Yunan-Roma güləşi, Sərbəst güləş, Atıcılıq, Tennis, Voleybol, Boks, Zorxana, Karate, Taekvondo, Ağır atletika) Bakıda yerləşən 16 müasir yarış meydanlarında təmsil edəcəklər. Azərbaycanın paytaxtı Bakı şəhəri 2013-cü ilin iyulunda Ciddədə İslam Həmrəyliyi İdman Federasiyasının (ISSF) Baş Assambleyasında Oyunların ev sahibliyinə layiq görülmüşdür. İslam Həmrəyliyi Oyunlarının Təşkilat Komitəsi Azərbaycan Respublikasının Prezidenti cənab İlham Əliyevin fərmanı ilə yaradılıb. Fərmana əsasən, Azərbaycanın birinci xanımı Mehriban xanım Əliyeva dördüncü İslam Həmrəyliyi Oyunlarının Təşkilat Komitəsinin Sədri təyin edilmişdir. Azərbaycan İslam Həmrəyliyi Oyunları Əməliyyatlar Komitəsi (AİHOƏK) İHİF ilə əməkdaşlıqda Oyunları təşkil və tətbiq edəcək. Microplus, məlumatların emalı və vaxtın dəqiqləşdirilməsi provayderi kimi müqvilə imzalayaraq, Oyunların Rəsmi Tərəfdaşı oldu. Bu müqavilə çərçivəsində Microplus Bakı 2017 İslam Həmrəyliyi Oyunlarının bütün 20 idman növü üzrə rəsmi nəticələri, vaxtın dəqiqləşdirilməsi, xalın verilməsi üçün avadanlığı təmin edəcək. iTicket.az, elektron bilet alma xidməti Oyunların Rəsmi Dəstəkləyicisi olmaq üçün müqavilə imzalamışdır. BP Bakı 2017 Oyunlarının rəsmi neft və qaz tərəfdaşı olaraq. Azərbaycanda idman potensialının inkişaf etdirilməsinə dəstək göstərir. Azeri Retail MMC-yə məxsus Fresco supermarketlər şəbəkəsinin Bakı 2017 Oyunlarının rəsmi dəstəkcisi oldu. Bu müqavilə çərçivəsində, Oyunlarının Rəsmi Pərakəndə Satış Operatoru olacaq.

Xəbər 814 dəfə oxundu.