Dünən Serbiya paytaxtı Belqradda güləşçilər arasında Avropa çempionatı start götürüb. İdman.com.az saytının məlumatına görə, yarışın ilk günü bahadırlarımız üçün uğursuz olub. Belə ki, mübarizə meydanına çıxmış sərbəst güləşçilər - Emin Əzizov (66 kq) ilə Novruz Temrezov (96 kq) və qadın pəhləvan Marziget Baqomedova mükafatçılar sırasına düşməyiblər. Adı çəkilən milli komanda üzvlərindən yalnız Novruz fərqlənib. O, yekunda 5-ci yer tutub.Bu gün keçirilmiş tutaşmalarda xoş xəbər eşidilib. 60 kq-da güləşən Toğrul Əsgərov Türkiyə, Gürcüstan və Rumıniyadan olan həmkarı üstələyərək, finala adlayıb. Həlledici görüşdə gənc bahadırımız bolqarıstanlı Anatoli Quydeanı məğlub edib (5:0, 2:5, 5:1).
Digər sərbəst güləşçimiz Qalib Əliyev (55) uğursuz nəticə göstərib. Qadınların mübarizəsində Fatimə Baqomedova (51 kq) 5-ci yerə çıxıb. Titullu idmançımız Sona Əhmədli (59 kq) komandamızı medalsız qoymayıb. Bürünc mükafat uğrunda görüşdə qitə çempionu belaruslu Nadejda Mixalkovanı üstələyib (6:0, 3:3).
Xəbər 1355 dəfə oxundu.