| Basketbol üzrə U-16 millimiz İranda gümüş medal qazanıb | |
|
On altı yaşadək basketbolçulardan ibarət Azərbaycan millisi İran İslam Respublikasının Sarab şəhərində keçirilən beynəlxalq turnirdə iştirak edib. Dairəvi sistem üzrə 5 gün davam edən yarışda Azərbaycan millisi ilə yanaşı, İranın U-18 yığması, İraqın Süleymaniyyə şəhərinin komandası, Təbriz, Takestan və Sarab kollektivləri birincilik uğrunda mübarizə aparıblar. İlk oyunda minimal hesabla İran millisinə məğlub olan millimiz digər dörd qarşılaşmada rəqiblərini inamla üstələyib. Yekunda komandamız İran yığması ilə eyni xal toplayaraq şəxsi qarşılaşmada rəqibinə uduzduğuna görə, turnirin gümüş medalını qazanıb. |
|
|
Xəbər 1464 dəfə oxundu. |
|
|
|