Ukrayna boksçusu Vasili Lomaçenko çempion kəmərini qoruyub

Dünya Boks Təşkilatının (WBO) versiyasına görə dünya çempionu olan ukraynalı Vasili Lomaçenko yamaykalı Nikolas Uolter üzərində vaxtından əvvəl qələbə qazanaraq ikinci yarımyüngül çəki dərəcəsində (58,967 kiloqramadək) çempion kəmərini qoruyub saxlamağa nail olub. Noyabrın 27-nə keçən gecə ABŞ-ın Las-Veqas şəhərində baş tutan döyüş boyu üstünlük V.Lomaçenkoda olub. Nəticədə o, rəqibinə texniki nokautla qalib gəlib. Yeddinci raunddan sonra yamaykalının komandası döyüşü dayandırmaq qərarına gəlib. Bu, N.Uolterin karyerasında ilk məğlubiyyətdir. İkiqat Olimpiya çempionu V.Lomaçenko isə peşəkar rinqdə keçirdiyi səkkiz döyüşün yeddisində (5-i vaxtından əvvəl) qalib gəlib. AZƏRTAC

Xəbər 780 dəfə oxundu.