Samboçumuz dünya çempionatında gümüş medal qazanıb

Bolqarıstanın paytaxtı Sofiyada sambo üzrə dünya çempionatına yekun vurulub. Mundialda ölkəmizin idman şərəfini 8 samboçu qoruyub. Finaladək inamla irəliləyən samboçumuz Emil Həsənov (68 kq) qızıl medal uğrunda görüşdə rusiyalı Nikita Kletskoy ilə qarşılaşıb. Həlledici görüşdə rəqibinə uduzan E.Həsənov dünya çempionatının gümüş medalı ilə kifayətlənib. Yığmamız yarışda Azərbaycan Sambo Federasiyasının prezidenti Ceyhun Məmmədovun rəhbərliyi altında mübarizə aparıb. Dünya çempionatında ölkəmizi hakim qismində Cabir İsmayılov təmsil edib.

Xəbər 1580 dəfə oxundu.