Qaxda futbol turniri başa çatdı | |
Azərbaycanın dövlət müstəqilliyinin bərpasının 25 illiyi münasibətilə Qax şəhərində keçirilən bələdiyyə komandaları arasında futbol üzrə rayon birinciliyi Qax bələdiyyəsi-II komandasının qələbəsi ilə başa çatıb. Rayon Gənclər və İdman İdarəsinin və Qax Bələdiyyə Şurasının birgə təşkilatçılığı ilə oktyabrın əvvəlində start verilən birincilikdə 12 komanda mübarizə aparıb. Turnirin noyabrın 9-da şəhər stadionunda keçirilən final oyununda Qax bələdiyyəsi-II komandası Lələpaşa kənd komandasına 2:0 hesabı ilə qalib gəlib. Üçüncü yer uğrunda qarşılaşmada Qax bələdiyyəsi-1 komandası Tasmalı kənd bələdiyyəsinin komandasını eyni hesabla ilə məğlub edib. Yarışın qalibləri kubok, diplom və medallarla mükafatlandırılıblar. |
|
Xəbər 848 dəfə oxundu. |
|
|