Stolüstü tennis üzrə yarışlar başa çatıb | |
Gənclər və yeniyetmə idmançılar arasında stolüstü tennis üzrə Azərbaycan Kuboku uğrunda yarışlar başa çatıb. Gənclər və İdman Nazirliyinin, Azərbaycan Stolüstü Tennis Federasiyasının birgə təşkilatçılığı ilə “Şüa” İdman-Sağlamlıq Kompleksində keçirilən yarışlarda 1999-2002-ci il və daha kiçik təvəllüdlü məktəblilər iştirak ediblər. Şəxsi komanda xarakteri daşıyan yarışlara respublika üzrə 130-dək idmançı qatılıb. Yarışlarda “Təhsil” Respublika İdman Mərkəzinin yeniyetmə və gənclərdən ibarət yığma komandaları komanda birinciliyində Azərbaycan Kubokunun sahibi olublar. Qalib idmançılara diplom, kubok və mükafatlar təqdim edilib. |
|
Xəbər 736 dəfə oxundu. |
|
|