Yığmamız FİFA reytinqi tarixində ən böyük irəliləyişinə nail olub | |
Yığmamız FİFA reytinqi tarixində ən böyük irəliləyişinə nail olub. Belə ki, bu gün açıqlanan siyahıda komandamız 45 pillə irəliləyib. Ötən ay dünyanın 133-cüsü olan Robert Prosineçkinin yetirmələri 88-ci yerə qədər sıçrayıb. Bu nailiyyətə komandamız DÇ-2018-in seçmə mərhələsinin son iki matçındakı uğurları səbəb olub. Bakıda Norveçi 1:0 hesabı ilə, səfərdə Çexiya ilə qolsuz heç-heçə edən millimiz xal hesabını 252-dən 404-ə çatdırıb. Bu 152 xallıq qazanc mövqeyimizin 45 pillə yaxşılaşması ilə nəticələnib. Millimiz 1994-cü ilin iyunundan daxil olduğu FİFA reytinqində bunadək ən yaxşı halda 24 pillə irəliləmişdi. Həmin vaxt 139-dan 115-dək irəliləmişik. |
|
Xəbər 664 dəfə oxundu. |
|
|