Kross qaçışı üzrə Bakı çempionatının qalibləri müəyyənləşib

Bakı Şəhər Gənclər və İdman Baş İdarəsi (BŞGİBİ) tərəfindən Bakı Dövlət Cıdır Meydanında kross qaçışı üzrə paytaxt çempionatı keçirilib. Yarışda 6 klubun idmançıları mübarizə aparıblar. Qadınların yarışında Jalə Rəhimzadə (1 kilometr məsafəyə qaçış), Natavan Etibarova (2 km), Aynur Əsgərova (4 km) və Rəqsanə Rəcəbli (6 km) qızıl medal qazanıblar. Kişilərin mübarizəsində Leonid Kryukov (2 km), İlham Abışov (3 km), Nail Rzayev (6 km), Elman Abışov (10 km), veteranlar arasında isə Tapdıq Dadaşov fəxri kürsünün ən yüksək pilləsinə qalxıblar. İlk üç yeri tutan idmançılar Baş İdarə tərəfindən müvafiq dərəcəli diplom və xatirə hədiyyələri ilə mükafatlandırılıblar. Mükafatçılar oktyabrın 16-18-də İsmayıllıda keçiriləcək Azərbaycan çempionatına vəsiqə qazanıblar.

Xəbər 741 dəfə oxundu.