Gənc cüdoçularımız İspaniyaya yollanıblar

Xəbər verdiyimiz kimi, sentyabrın 16-dan 18-dək İspaniyanın Malaqa şəhərində gənclər arasında cüdo üzrə Avropa çempionatı keçiriləcək. Fərdi və komanda şəkilində keçiriləcək yarışda cüdo üzrə Azərbaycan milli komandası da təmsil olunacaq. Bakıda baş məşqçi Rəşad Məmmədovun başçılığı altında təlim-məşq toplanışını yekunlaşdıran millimiz İspaniyaya yollanıb. Qeyd edək ki, 43 ölkədən 409 idmançının (225 oğlan, 184 qız) qatıldığı Avropa çempionatında milli komandamız 14 cüdoçu ilə (10 oğlan, 4 qız) mübarizə aparacaq.

Xəbər 764 dəfə oxundu.