Milad Beigi Hərçəqani:“Qızıl medal qismətim deyilmiş” | |
Azərbaycan taekvondo yığmasının üzvü Milad Beigi Hərçəqani avqustun 19-da Rio de Janeyroda Yay Olimpiya Oyunlarında bürünc medal uğrunda yarışda Polşa idmançısı Pyotr Pazinskiyə 12:0 hesabı ilə qalib gələrək komandamıza növbəti olimpiya medal qazandırdı. Görüşdən sonra “İdman” qəzetinə müsahibə verən idmançımız aşağıdakıları deyib: -Medal qazandığım üçün şadam. İstərdim qızıl medal qazanım. Fiziki cəhətdən hazır idim. Yəqin, təcrübəm az oldu, səhvə yol verdim. Tam isinməmiş döyüşə başladım. Bəlkə də, qızıl medal mənim qismətim deyilmiş. -Dörddəbir finalda qalib gəldiyin həmyerlin - İranlı idmançı ilə əvvəllər qarşılaşmışdınmı? -Bəli iki dəfə qarşılaşmışdım. Birində mən udmuşdum, digərində isə o. Bu üçüncü döyüşümüz idi. -Yəqin ki, bundan sonra da ölkəmizin şərəfini qorumağa davam etdirəcəksən. -Əlbəttə, Azərbaycan məni qəbul etsə niyə də olmasın. Mən artıq Azərbaycan idmançısıyam və məmnuniyyətlə karyeramı Azərbaycan bayrağı altında davam etdirəcəyəm. |
|
Xəbər 1055 dəfə oxundu. |
|
|