Karate də olimpiya idman növü oldu

Rio-2016 öncəsi Beynəlxalq Olimpiya Komitəsinin 129-cu sessiyası keçirilib. Braziliyanın Rio-de-Janeyro şəhərində baş tutan tədbirdə beş idman növü ilə bağlı vacib qərarlar qəbul olunub. Belə ki, 2020-ci ildə Yaponiyanın paytaxtı Tokioda keçiriləcək Yay Olimpiya Oyunlarının proqramına 5 yeni idman növünün daxil edilməsi barədə qərar verilib. Bunlar karate, qayaya dırmanma, serfinq, beysbol və skeytbordinqdi. Qeyd edək ki, bu idman növləri arasında Azərbaycan üçün ən çox önəm daşıyan karatedir. Çünki ölkəmizdə bu idman növü üzrə Rafael Ağayev kimi məşhur karateçimiz var. Eyni zamanda Azərbaycan həm də güclü karate məktəbi ilə fərqlənir.

Xəbər 873 dəfə oxundu.