FİDE Bakı Şahmat Olimpiadasına hazırlığı yüksək qiymətləndirdi

Bakı Şahmat Olimpiadası Əməliyyat Komitəsinin rəhbərliyi paytaxtımızda səfərdə olan FİDE rəsmiləriylə görüşüb. Kristal Zalda baş tutan işçi qrupunun iclasında FİDE-nin vitse-prezidenti İzrael Gelfer, FİDE prezidentinin köməkçisi Berik Balqabayev iştirak edib . Bakı Şahmat Olimpiadasının mətbuat xidmətindən verilən məlumata görə, görüş zamanı mötəbər yarışa hazırlığın son mərhələsi müzakirə edilib. İclasda iştirakçıların qeydiyyatı, yerləşdirilməsi, mətbuat mərkəzinin fəaliyyəti, olimpiada zamanı partiyaların rəsmi saytda canlı yayımlanması barədə fikir mübadiləsi aparılıb. Qonaqlar həm də Bakıda keçiriləcək FİDE-nin 87-ci Konqresinin təşkilati işləriylə maraqlanıb və görülən işləri yüksək qiymətləndirib.

Xəbər 614 dəfə oxundu.