Samtredia - Qəbələ oyununun hakimləri müəyyənləşdi

“Qəbələ”nin UEFA Avropa Liqasının birinci təsnifat mərhələsində keçirəcəyi Gürcüstanın “Samtredia” klubu ilə cavab oyununun hakimləri müəyyənləşib. İyulun 7-də baş tutacaq qarşılaşmanı yunanıstanlı hakimlər briqadası idarə edəcək. Matçın baş hakimi Georgios Kizas olacaq. “Samtredia” - “Qəbələ” oyunu Zestafonidə keçiriləcək. David Abaşidze adına stadionda baş tutacaq matç Bakı vaxtı ilə saat 19:00-da başlayacaq. Xatırladaq ki, iyunun 30-da Bakıda keçirilən ilk oyunda “Qəbələ” 5:1 hesabı ilə qalib gəlib. UEFA Avropa Liqası I təsnifat mərhələsi Cavab oyunu 7 iyul 19:00. “Samtredia” (Gürcüstan) – “Qəbələ” Baş hakim: Georgios Kizas (Yunanıstan) Baş hakimin köməkçiləri: Çasan Koula, İoannis Sipkas ( hər ikisi Yunanıstan) Dördüncü hakim: Aleksandros Aretopulos (Yunanıstan) Zestafoni. David Abaşidze adına stadion İlk oyun – 1:5

Xəbər 632 dəfə oxundu.