Vüqar Həşimov memorialında ikihakimiyyətlilik yaranıb

Azərbaycan qrossmeysteri Şəhriyar Məmmədyarov Vüqar Həşimov memorialında növbəti qələbə qazanıb. Səkkizinci turda Məmmədyarov hazırda dünyada iki nömrəli şahmatçı sayılan Fabiano Karuanuya qalib gəlib. Səkkizinci turun bütün qalan oyunları (Eltac Səfərli – Sergey Karyakin, Pavel Elyanov – Rauf Məmmədov, Aniş Giri – Hou İfan, Teymur Rəcəbov – Pentala Harikrişna görüşləri) sülhlə başa çatıb. Səkkiz turdan sonra iştirakçıların vəziyyəti belədir: Fabiano Karuana və Aniş Giri – hərəyə 5,5 xal, Şəhriyar Məmmədyarov – 5 xal, Sergey Karyakin– 4,5 xal, Pentala Harikrişna - 4 xal, Rauf Məmmədov, Teymur Rəcəbov - hərəyə 3,5 xal, Eltac Səfərli, Pavel Elyanov – hərəyə 3 xal, Hou İfan – 2,5 xal. Bu gün keçiriləcək sonuncu, doqquzuncu turda aşağıdakı cütlüklər qarşılaşacaqlar: Şəhriyar Məmmədyarov - Aniş Giri, Sergey Karyakin - Fabiano Karuana, Pentala Harikrişna - Eltac Səfərli, Pavel Elyanov - Teymur Rəcəbov, Hou İfan - Rauf Məmmədov. Turnir bu gün başa çatır.

Xəbər 630 dəfə oxundu.