Azərbaycan velosipedçisi Samir Cəbrayılov Ukraynada üçüncü olub

Ukraynada Beynəlxalq Velosipedçilər İttifaqının 2.2 kateqoriyalı “Tour of Ukraine” veloyürüşü start götürüb. 19 komandanın iştirak etdiyi 3 mərhələli yarışda Azərbaycanın "Synergy Baku" kontinental komandası da mübarizə aparır. Yarışın 161,6 kilometrlik birinci mərhələsində komanda üzvlərimizdən ən yaxşı göstəriciyə Samir Cəbrayılov imza atıb. O, 3 saat, 54 dəqiqə, 32 saniyə nəticə ilə həm finiş xəttini 3-cü keçib, həm də yaşı 23-dək olan ən yaxşı gənc velosipedçi üçün nəzərdə tutulan köynəyə sahib olub. Qeyd edək ki, “Synergy Baku” “Tour of Ukraine”da Elgün Əlizadə, Kənan Qəhrəmanlı, Elçin Əsədov, Samir Cəbrayılov, Aleksandr Surutkoviç və İsmayıl İlyasovdan ibarət heyətlə mübarizə aparır.

Xəbər 662 dəfə oxundu.