Türkiyə klubu millimizin üzvünə təklif göndərdi

Türkiyə PTT 1-ci liqasında çıxış edən "Altınordu" Azərbaycan yığmasının yarımmüdafiəçiti Toğrul Eratla güclənməyə hazırlaşır. Bu barədə qardaş ölkə mətbuatı məlumat yayıb. Məlumatda bildirilir ki, "Altınordu" Almaniyanın "Fortuna" (Düsseldorf) klubunun ikinci komandasında çıxış edən millimizin üzvünə təklif də ünvanlayıb. Bu komandada son mövsümdə keçirdiyi 31 oyunda 10 qol vuran 23 yaşlı futbolçunun bu təklifə hansı cavabı verəcəyi isə, hələlik, bilinmir. Qeyd edək ki, "Fortuna"nın əsas komandasına dəvət olunmamasından narazı qalan Erat özü də Almaniya klubundan ayrılmağa və özünə daha yaxşı iş yeri tapmağa qərar verib.

Xəbər 692 dəfə oxundu.