“Neftçi” futbol klubu U-10 Liqasının qalibi olub | |
Mayın 16-da Bayıl stadionunda “Neftçi” və “Qəbələ” futbol komandaları arasında keçirilmiş final oyunu ilə AFFA-nın U-10 Liqasının 2015/2016-cı il mövsümünə yekun vurulub. Qarşılaşma 2:0 hesabı ilə “Neftçi”nin xeyrinə başa çatıb. Üçüncü yer uğrunda keçirilmiş oyunda isə “Qarabağ” Gəncənin “Bağman” komandasını 1:0 hesabı ilə məğlub edib. Oyun başa çatdıqdan sonra mükafatlandırma mərasimi təşkil olunub. Mükafatları AFFA-nın baş katibi Elxan Məmmədov, İcraiyyə Komitəsinin üzvləri İskəndər Cavadov və Vaqif Sadıqov, AFFA-nın texniki direktoru Bernhard Lippert, “Qəbələ”nin vitse-prezidenti Fariz Nəcəfov və idman direktoru Toni Adams təqdim ediblər. U-10 Liqasının bombardiri 60 qolla Uşaq-Gənclər İdman Məktəbinin (Siyəzən) komandasının üzvü Bəhlul Mehdiyev olub. “Neftçi”nin hücumçusu Kənan Cəfərli liqanın ən yaxşı futbolçusu seçilib. “Fair play” mükafatına isə “Qəbələ”nin oyunçusu Samir Musayev layiq görülüb. |
|
Xəbər 663 dəfə oxundu. |
|
|