XXVII Yay Olimpiya Oyunlarına hazırlıq haqqında AZƏRBAYCAN RESPUBLİKASI PREZİDENTİNİN SƏRƏNCAMI | |
2000-ci ildə Avstraliyanın Sidney şəhərində keçiriləcək XXVII Yay Olimpiya Oyunlarına milli yığma komandalarımızı yüksək səviyyədə hazırlamaq və hazırlıq mərhələsində onların rəsmi beynəlxalq yarışlarda iştirakını təmin etmək məqsədilə qərara alıram: 1. Avstraliyanın Sidney şəhərində keçiriləcək XXVII Yay Olimpiya Oyunlarına hazırlıq üzrə aşağıdakı tərkibdə Təşkilat Komitəsi yaradılsın: Təşkilat Komitəsinin sədri Artur Rəsizadə - Azərbaycan Respublikasının Baş naziri Təşkilat Komitəsinin üzvləri Elçin Əfəndiyev - Azərbaycan Respublikası Baş nazirinin müavini; Fatma Abdullazadə - Azərbaycan Respublikası Prezident Aparatının Humanitar Siyasət Şöbəsinin müdiri; Rəfael Allahverdiyev - Bakı Şəhər İcra Hakimiyyətinin başçısı; Səfər Əbiyev - Azərbaycan Respublikasının müdafiə naziri; Ramil Usubov - Azərbaycan Respublikasının daxili işlər naziri; Fikrət Yusifov - Azərbaycan Respublikasının maliyyə naziri; Əli İnsanov - Azərbaycan Respublikasının səhiyyə naziri; Əbülfəs Qarayev - Azərbaycan Respublikasının gənclər və idman naziri; Əhməd Abdinov - Azərbaycan Respublikasının təhsil nazirinin müavini; Nizami Xudiyev - Azərbaycan Respublikasının Dövlət Teleradio Verilişləri Şirkətinin sədri; İlham Əliyev - Milli Olimpiya Komitəsinin prezidenti; Səttar Mehbalıyev - Azərbaycan Həmkarlar İttifaqları Konfederasiyasının sədri; Ağacan Abiyev - Azərbaycan Dövlət Bədən Tərbiyəsi İnstitutunun rektoru; Namiq Abdullayev - Atlanta-96 Olimpiya Oyunlarının gümüş mükafatçısı. 2. Azərbaycan Respublikasının Nazirlər Kabineti: - Milli yığma komandaların XXVII Yay Olimpiya Oyunlarına hazırlığı mərhələsində təlim-məşq toplanışlarının keçirilməsini və rəsmi beynəlxalq yarışlarda iştirakını təmin etmək məqsədilə əlavə maliyyələşdirmə mənbələri yaratsın və Milli Olimpiya Komitəsinin təqdim etdiyi xüsusi proqramlara əsasən nəzərdə tutulan tədbirlərin maliyyələşdirilməsini həyata keçirsin: - bu Sərəncamdan irəli gələn digər məsələləri həll etsin. Heydər Əliyev, Azərbaycan Respublikasının Prezidenti Bakı şəhəri, 20 fevral 1998-ci il. |
|
Xəbər 1215 dəfə oxundu. |
|
|