“İstrian Spring Trophy” veloyürüşünün ilk günü “Synergy Baku” üçün uğurlu olub | |
Azərbaycanın kontinental velosiped komandası “Synergy Baku” Xorvatiyada keçirilən “İstrian Spring Trophy” veloyürüşündə mübarizəyə başlayıb. Beynəlxalq Velosipedçilər İttifaqının (UCİ) 2.2 kateqoriyalı yarışının 1-ci mərhələsi komandamız üçün uğurlu alınıb. Yürüşdə 158 kilometrdən ibarət bu bölümdə komandamızın üzvü Matey Müqerli finiş xəttini mərhələ qalibindən 3 saniyə gec keçməklə 2-ci olub. Bu, velosipedçimizə həm ümumi təsnifatda, həm də sprinterlərin mübarizəsində 2-ci sırada qərarlaşmağa imkan verib. Komanda hesabında “Synergy Baku” 33 iştirakçı kollektiv arasında liderə 4 saniyə uduzmaqla 3-cü yerdədir. Martın 12-də keçiriləcək 2-ci mərhələdə iştirakçılar 157 kilometr məsafə qət edəcəklər. Qeyd edək ki, “Synergy Baku” bu yarışda Maksim Averin, Matey Müqerli, Kiril Pozdnyakov, Matiya Kvasina, Yannis Tamuridis və Samir Cəbrayılovla təmsil olunur. |
|
Xəbər 804 dəfə oxundu. |
|
|