Super Liqada prinsipal görüşdə “Bakı” qalib ayrıldı

Bu gün qadın voleybolçular arasında Azərbaycan Super Liqasında yaranmış fasilə bitib. İdman.com.az saytının məlumatına görə, “Sərhədçi” Olimpiya-İdman Mərkəzində təşkil edilmiş görüşlərdə 3 matç baş tutub. Son Azərbaycan çempionu “Rabitə”nin istirahət etdiyi oyun günündə lider müvəqqəti dəyişib. Çempionun yoxluğundan yararlanan “Bakı” növbəti qələbə sayəsində yenidən zirvəyə yüksəlib. Tura “Azəryoloservis” – “İqtisadçı” matçı ilə start verilib. Oyunun favoriti olan universitet komandası debütantdan da sürpriz gözləyənlərə sevinmək imkanı verməyib. Yeni baş məşqçi Bülənd Qarslıoğlu da debütünü 2 xalla başa vurub. Bu qələbədə yeni transfer – argentinalı Georgina Pinedonun da əməyi böyük olub. Bu oyunun ardınca turun mərkəzi matçı “Bakı” ilə “Lokomotiv” arasında baş tutub. Paytaxtın eyni adlı təmsilçisi oyunun taleyini 4 setdə həll edərək, yenidən ilk pilləyə qalxıb. Lakin onlar çempiondan 2 oyun çox keçiriblər. II dövrənin ilk turunda “Bakı” məğlub olmamaqla, “Azərreyl”in liderlik arzusunu gözündə qoyub. Sonuncular “Lokomotiv Biləcəri”yə qalib gəlməklə yalnız “Rabitə”ni arxada qoyub ki, bu da 1 oyun artıq keçirməyin sayəsində gerçəkləşib. 12 fevral VIII tur 15:00. “Azəryoloservis” – “İqtisadçı” – 1:3 (13:25, 20:25, 27:25, 17:25) Hakimlər: Ceyhun İsmayılov, Zaur Hacıyev İlk oyun: “İqtisadçı” - “Azəryolservis” - 3:1 (17:25, 25:21, 25:13, 28:26) 17:00. “Bakı” – “Lokomotiv” - 3:1 (20:25, 25:20, 27:25, 25:14) Hakimlər: Eldar Zülfüqarov, Konstantin Selin İlk oyun: “Lokomotiv” - “Bakı” - 0:3 (19:25, 21:25, 23:25) 19:00. “Lokomotiv Biləcəri” – “Azərreyl” - 0:3 (15:25, 14:25, 19:25) Hakimlər: Vüqar Cəfərov, Murad Abdurəhmanzadə İlk oyun: “Azərreyl” - “Lokomotiv Biləcəri” - 3:0 (26:24, 25:13, 25:22) O Q M S T X 1.«Bakı» 7 5 2 16-7 539:471 12 2.«Azərreyl» 6 5 1 15-7 506:441 11 3.«Rabitə»5 5 0 15-1 392:271 10 4.«Lokomotiv» 6 3 3 12-9 383:433 9 5. «İqtisadçı» 6 3 3 10-11 480:467 9 6.«Azəryolservis» 7 1 6 6-18 461:569 8 7.«Lokomotiv Biləcəri» 7 0 7 0-21 331:526 7

Xəbər 931 dəfə oxundu.