Şahmat festivalının bütün iştirakçıları artıq məlumdur | |
Sabah Moskvada, “Kosmos” mehmanxanasında “Aeroflot Open 2016” beynəlxalq şahmat festivalı start götürür. Əsas “A” turnirində 83 iştirakçıdan 69-u qrossmeysterdir. Azərbaycan təmsilçisi Eltac Səfərli də bu qrupda gücünü sınayacaq. “C” turnirində 57 şahmatçı yarışacaq. “B” turnirində 85 idmançı arasında Azərbaycanın şərəfini FİDE ustası Aydan Höcətova qoruyacaq. Turnirlər İsveçrə sistemi ilə 8 turda keçiriləcək. Əsas turnirin qalibi bu ilin iyun-iyul aylarında Dortmundda baş tutacaq superturnirə vəsiqə qazanacaq. Martın 10-da “Aeroflot” Kuboku uğrunda blits-turnir keçiriləcək. Yarışların ümumi mükafat fondu 140 min avrodur. |
|
Xəbər 639 dəfə oxundu. |
|
|