UEFA Çempionlar Liqasının səkkizdəbir final mərhələsinin daha iki oyunu keçiriləcək

Bu gün futbol üzrə Çempionlar Liqasında səkkizdəbir final mərhələsinin daha iki oyunu keçiriləcək. Qarşılaşmalar London və Turin şəhərlərində oynanılacaq. Türkiyəli hakim Cüneyt Çakırın idarə edəcəyi matçda “Arsenal” doğma meydanda İspaniyanın “Barselona” klubunu qəbul edəcək. Arda Turan bu gecə forma geyməyəcək. Buna səbəb türkiyəli yarımmüdafiəçinin ötən mövsüm “Atletiko”nun heyətində çıxış edərkən “Real Madrid”lə Çempionlar Liqasının yarımfinal mərhələsinin cavab görüşündə qırmızı vərəqə almasıdır. “Barselona” qrup mərhələsini on dörd xalla birinci, “Arsenal” isə öz qrupunu doqquz xalla ikinci pillədə başa vurub. Gecənin digər görüşündə isə “Yuventus” Münxenin “Bavariya” komandasını qəbul edəcək. Qarşılaşmanı ingiltərəli Martin Atkinson idarə edəcək. “Yuventus” qrup ikincisi (11 xal), Münxen klubu isə öz qrupunun lideri kimi (15 xal) səkkizdəbir finala yüksəlib. Məlum olub ki, İtaliya təmsilçisi matça itkilərlə çıxacaq. Komandanın əsas müdafiəçisi Corco Kyellini və Aleksa Sandro əzələlərində olan problem səbəbindən məşq prosesini buraxmalı olublar. Vaxtilə “Bavariya”da top qovan xorvatiyalı hücumçu Mario Mandzukiç isə bu gün meydana çıxacaq.

Xəbər 704 dəfə oxundu.