Futzal üzrə Azərbaycan millisinin dünya çempionatının play-off mərhələsindəki rəqibi müəyyənləşib

Fevralın 12-də Serbiyanın paytaxtı Belqradda futzal üzrə dünya çempionatının play-off mərhələsinin püşkatma mərasimi keçirilib. On dörd milli komanda arasında Azərbaycan yığmasının da rəqibi müəyyənləşib. Püşkün nəticəsinə görə, Azərbaycan millisi Niderland yığması ilə üz-üzə gələcək. Play-off mərhələsinin oyunlarının martın 22-də və aprelin 12-də keçirilməsi nəzərdə tutulub. Yeddi qalib komanda bu il sentyabrın 14-də Kolumbiyada start götürəcək dünya çempionatında Avropanı təmsil etmək hüququ qazanacaq. Digər play-off cütlükləri isə aşağıdakı kimidir: Sloveniya - İspaniya, Slovakiya - Ukrayna, Polşa - Qazaxıstan, Serbiya - Portuqaliya, Belarus - Rusiya, Macarıstan - İtaliya. AZƏRTAC

Xəbər 678 dəfə oxundu.