Azərbaycan şahmatçılarının İranda uğurlu çıxışları davam edir

İranın Məşhəd şəhərində keçirilən “Firdovsi Open” beynəlxalq şahmat turnirinin səkkizinci turu keçirilib. Azərbaycan şahmatçısı Qadir Hüseynov beynəlxalq turnirdə üçüncü sıraya yüksəlib. Şahmatçımız bu turda litvalı rəqibi Virqinius Qrabliauskasa qalıb gələrək aktivinə 6,5 bal yazdırıb. Ev sahibi idmançı – Rastin Rahimiandan güclü olan Azər Mirzəyev isə Hüseynovdan yarım bal geri qalaraq aktivindəki xalların sayını altıya çatdırıb. Turnirdə ölkəmizlə yanaşı Gürcüstan, Əfqanıstan, Rusiya, Ukrayna, Niderland, Latviya, İran və İraqdan olan 178 iştirakçı birincilik uğrunda mübarizə aparır.

Xəbər 622 dəfə oxundu.