Millimiz “Antalya Cup” turnirinə qələbə ilə start verib | |
İyirmi bir yaşadək futbolçulardan ibarət Azərbaycan yığması “Antalya Cup” turnirində ilk oyununu keçirib. Beş komandanın qatıldığı turnirdə millimiz ilk matçında Ukrayna komandası ilə üz-üzə gəlib. Matçın gedişində hesabda geri düşən Yaşar Vahabzadənin yetirmələri sonradan özündə güc taparaq iki qol vurub və qələbə qazanıblar. Namiq Ələsgərov əvvəlcə 58-ci dəqiqədə penalti zərbəsi ilə oyunda tarazlığı bərpa edib. Oyunun 85-ci dəqiqəsində Namiq Ələsgərov dublunu rəsmiləşdirərək yığmamıza 2:1 hesablı qələbə qazandırıb. Qeyd edək ki, Azərbaycan və Ukraynanın U-21 yığmaları ilə yanaşı, Albaniyanın U-21, Bəhreyn və Səudiyyə Ərəbistanının U-20 komandaları da “Antalya Cup”da mübarizə aparırlar. |
|
Xəbər 633 dəfə oxundu. |
|
|