“Kəpəz”in yoxlama oyunlarındakı rəqibləri müəyyənləşib

Futbol üzrə Topaz Premyer Liqasının qış hazırlığı dövründə “Kəpəz”in yoxlama oyunu keçirəcəyi daha iki rəqibi məlum olub. Gəncə təmsilçisi ilk yoldaşlıq matçını yanvarın 13-də keçirəcək. Yevlaxda əvəzedicilərlə birlikdə məşq edən komandanın rəqibi elə “dubl” olacaq. Şahin Diniyevin yetirmələrinin əvəzedici heyətlə görüşü saat 16:00-da başlayacaq və Yevlaxdakı təlim-məşq bazasının stadionunda keçiriləcək. “Kəpəz” Bakı toplanışı çərçivəsində isə “Ağsu” ilə qarşılaşacaq. Birinci divizion təmsilçisi ilə oyun yanvarın 26-da Bakıda olacaq. Hələlik qarşılaşmanın keçirilmə yeri və saatı dəqiqləşməyib. Qeyd edək ki, bundan əvvəl Gəncə klubunun yanvarın 23-də “Neftçi” ilə yoxlama matçında üz-üzə gələcəyi müəyyənləşmişdi.

Xəbər 665 dəfə oxundu.